15 Oct 2018 21:35 PM IST

ചേകന്നൂർ കൊലക്കേസ് ഒന്നാം പ്രതിയെ വെറുതെ വിട്ടു

ചേകന്നൂര്‍ മൗലവി കൊലക്കേസിലെ ഒന്നാം പ്രതി പി.വി ഹംസയെ ഹൈക്കോടതി വെറുതേവിട്ടു.

ചേകന്നൂര്‍ മൗലവി കൊലക്കേസിലെ ഒന്നാം പ്രതി പി.വി ഹംസയെ ഹൈക്കോടതി വെറുതേവിട്ടു. കൊച്ചിയിലെ സി.ബി.ഐ പ്രത്യേക കോടതി ഇരട്ട ജീവപര്യന്തം ശിക്ഷയ്ക്ക് വിധിച്ചിരുന്ന ആളാണ് ഹംസ. കാൽ നൂറ്റാണ്ട് മുമ്പായിരുന്നു ചേകന്നൂര്‍ മൗലവി കൊല്ലപ്പെട്ടത്. 9 പേരായിരുന്നു ആകെ പ്രതികൾ. 8 പ്രതികളെ നേരത്തേ വെറുതേ വിട്ടിരുന്നു. 2010ലായിരുന്നു സി.ബി.ഐ പ്രത്യേക കോടതി ഹംസയ്ക്ക് ഇരട്ട ജീവപര്യന്തം ശിക്ഷ വിധിച്ചത്.

ഒരാൾ മരിച്ചാല്‍ മൃതദേഹം കണ്ടെത്തുകയോ മൃതദേഹം കണ്ടെടുക്കുകയോ അല്ലെങ്കില്‍ മൃതദേഹം കണ്ടെത്താന്‍ കഴിയാത്ത സാഹചര്യം കൃത്യമായി തെളിയുകയോ ചെയ്തില്ലെങ്കിൽ കേസ് നിലനിൽക്കില്ല. 7 വർഷം ജയിലിൽ കഴിഞ്ഞശേഷമാണ് ഹംസ പുറത്തിറങ്ങുന്നത്.

Chekannoor Moulavi