12 Oct 2018 20:50 PM IST
കഴിഞ്ഞ ആഴ്ച കേന്ദ്ര എക്സൈസ് ഡ്യൂട്ടിയിൽ 1.50 രൂപ കുറച്ചത് പ്രഹസനമാക്കി പെട്രോൾ ഡീസൽ വിലയിൽ വീണ്ടും വർദ്ധനവ്. പെട്രോളിന് 12 പൈസയും ഡീസലിന് 28 പൈസയും ഇന്ന് വർദ്ധിപ്പിച്ചു. 2017 ജൂണിൽ പെട്രോൾ - ഡീസൽ വില നിശ്ചയിക്കുന്നത് പ്രതിദിനമാക്കിയതിനു ശേഷം തുടർച്ചയായി വൻ വർദ്ധനയാണ് ഇന്ധനവിലയിലുണ്ടായത്. ഒക്ടോബർ 4 ന് എക്സൈസ് ഡ്യൂട്ടിയിൽ 1.50 രൂപ കുറവ് വരുത്തിയെങ്കിലും അതിനുശേഷവും ഇന്ധനവില പ്രതിദിനം വർദ്ധിക്കുകയായിരുന്നു.
തിരുവനന്തപുരത്ത് ഒരു ലിറ്റര് പെട്രോളിന് 85.93 രൂപയും ഡീസലിന് 80 രൂപ 25 പൈസയുമാണ് ഇന്നത്തെ വില. നല്കണം. കൊച്ചിയിൽ പെട്രോളിന് 84.50, ഡീസലിന് 78.91. കോഴിക്കോട്: പെട്രോള് 84.75, ഡീസല് 79.19. ഡൽഹിയിൽ പെട്രോളിന് 82.36, ഡീസലിന് 74.62., മുംബൈയിൽ പെട്രോൾ : 87.82, ഡീസൽ :78.22. കൊൽക്കത്തയിൽ പെട്രോൾ : 84.19 ഡീസൽ : 76.47, ചെന്നൈയിൽ പെട്രോൾ : 85.61, ഡീസൽ : 78.90.